एजेन्सी ।
इंगलैण्डबिरुद्धको ५ टि२० मैचको श्रृंखलाको पहिलो टि२० मैचमा भारत ७ विकेटले विजयी भएको छ । इंगलैण्डले दिएको १ सय ३३ रनको लक्ष्य ३ विकेटको क्षतिमा पूरा गर्दै भारत विजयी भएको हो । भारतको जीतमा अभिशेष शर्माले ७९ रनको आक्रामक पारी खेलेका थिए । त्यस्तै सन्जु सैमसन २६ तथा तिलक वर्माले १९ रनको योगदान गरे ।
इंगलैण्डका लागि जोफ्रा आर्चर २ तथा आदिल रशिदले १ विकेट लिन सफल भए ।
यस अघि पहिले ब्याटिङ्ग गरेको इंगलैण्डले वस बटलरको ६८ रनको पारीको सहयोगमा निर्धारित २० ओभरमा १ सय ३२ रनमा समेटिएको थियो ।
इंगलैण्डलाई सस्तैमा समेट्न वरुण चक्रवर्तीले ३, अर्शदीप सिंह, हार्दिक पाण्ड्या तथा अक्षर पटेलले २÷२ विकेट लिएका थिए ।
