काठमाडौं ।
राष्ट्रिय मानव अधिकार आयोगको सिफारिस कार्यान्वयन नै नहुने गरेको पाइएको छ ।
शुक्रबार प्रतिनिधिसभा अन्तरगतको कानुन न्याय तथा मानवअधिकार समितिको बैठकमा आयोगका सदस्य मिहीर ठाकुरले मानव अधिकार आयोगको सिफारिश कार्यान्वयन शुन्य प्रतिशत रहेको जानकारी गराएका हुन् ।
‘आयोगको वर्तमान हाम्रो कार्यकालको सिफारिस कार्यान्वयन प्रतिशत शून्य छ । अगाडि १४ प्रतिशत सिफारिस भएको थियो । हाम्रो पालामा एउटा पनि सिफारिस कार्यान्वयन भएन,’ उनले भने ।
आयोगका अध्यक्ष तपबहादुर मगरले पनि सिफारिस कार्यान्वयन अवस्था कमजोर रहेको बताएका थिए ।
अध्यक्ष मगरले मानव अधिकार आयोग ऐन संशोधन विधेयक तयार गरेर पठाउँदा समेत सरकारले अगाडि नबढाएको गुनासो गरे ।
उनका अनुसार आयोगको अन्तर्राष्ट्रिय श्रेणी घटुवासम्मको विषय आएको र आयोगका सिफारिस कार्यान्वयन लगायत समयानुकूल संशोधन गर्ने गरी तीन महिना अगाडि नै विधेयक सरकारलाई बुझाइएको छ ।
