सुजीतकुमार झा
जनकपुरधाम ।
माँ जानकी जनकपुरधाम यातायात प्रालिका अध्यक्ष मनोजकुमार चौधरीले जनकपुरधामका सार्वजनिक यातायातका बसहरुमा जिपिसी सिस्टम तत्काल जडान लगायत आधुनिक सिस्टम तर्फ बढने बताउनु भएको छ । हामी चाहन्छु प्रविधिको फाइदा हामी बसमा उपयोग गरौ जसले समग्र यात्रीलाई फाइदा पुग्नेछ उहाँले बताउनुभयो ।
मोडेल खबरसँग कुरा गर्दै अध्यक्ष चौधरीले टिकटका लागि पनि हामी चाडै प्रोसेसमा जान्छौ बताउनुभयो । गाडीमा एकातिर अनलाइन टिकट बुकिंग हुन्छ भने अर्को तर्फ यात्रीलाई काउन्टरमै गएर टिकट लिओस यस्तो निति ल्याइरहेको जानकारी दिदै भन्नुभयो – जो व्यक्ति प्रविधि तर्फ बढी सकेका छन् उसलाई पनि फाइदा होस जो गएछैन उनीहरु पनि बिस्तारै प्रविधि तर्फ जाओस यसका लागि आफूहरु पहल गरिरहेको छु ।
अनलाइन टिकटका लागि बस काउन्टरहरुमा सानो मशिनको आवश्यकता रहेकाले सो मशिनमा सहयोग गरिदिन प्रदेश सरकारसँग उहाँले आग्रह गर्नुभयो । हामी नयाँ प्रविधितर्फ जान चाहन्छौ तर यसका लागि राज्यको सहयोग चाहिन्छ उहाँको कथन रहेको छ ।
मनोज चौधरीको नेतृत्वमा माँ जानकी जनकपुरधाम यातायात प्रालिका सदस्यहरु निर्वाचित भएका छन् । चौधरी छठौ कार्यकालका लागि निर्वाचित भएका छन् । ‘मेरै नेतृत्वमा ११ जना चुनाब लडेकाले र सबै हाम्रै तर्फका जीतेका हुनाले मैले नै अध्यक्ष पद पुनः सम्हाल्ने छु,’ उहाँले बताउनुभयो ।
बसमा सुरक्षा बढाउन उहाँले माँग गर्नुभयो । कस्तो सुरक्षाको कुरा गर्नुभएको प्रश्नप्रति अध्यक्ष चौधरीले बसहरुमा सिसी क्यामरा जडान गर्नुपर्छ र यसको नियन्त्रण सुरक्षाकर्मीले गर्नुपर्छ बताउनुभयो । सीसी क्यामरा लगायतका सुविधा दिनका लागि हामीले राजस्ववापत दिएको पैसाकै केही प्रतिशत यसमा खर्च गरिदियौ भने सार्वजनिक यातायातका बस सिस्टममा आइहाल्छ उहाँले अगाडी बताउनुभयो ।
मोडेल खबरमा अध्यक्ष चौधरीले लामो कुराकानी गर्नु भएको छ । यहाँसम्म कि मधेशवादी दल छोडेर नेपाली कांग्रेसमा आउनुका कारण पुनः जनकपुरधाम उमपमहानगरपालिकाका मेयरको चुनाब लडने जस्ता विषयमा । उहाँसँगको कुराकानी https://www.youtube.com/@ModelKhabar मा सुन्न र हेर्न सकिन्छ ।
