पर्सा ।
पर्साको पटेर्वासुगौली गाउँपालिकामा मोटरसाईकल दुर्घटनामा परी एक जनाको ज्यान गएको छ । दुर्घटनामा घाईते अर्का एकजनाको अवस्था गम्भीर रहेको छ ।
पटेर्वा सुगौलीको पथरैयाबाट श्रीपुर पंचगावातर्फ जादैं गरेको ना २८ प ३८१९ नम्बरको एफ जेड मोटरसाइकल मंगलबार राति पटेर्वा सुगौलि गाउँपालिका वडा नम्बर–४ कर्वोला चौक स्थित ह्युम पाइप राख्न खनिएको खाल्डोमा खस्दा सखुवाप्रसौनी गाउपालिका वडा २ जमुनियाका २३ बर्षिय सुदर्शन चौधरी र सोही स्थानका २४ बर्षीय दिपेन्द्र राय थारु घाईते भएका थिए ।
घाईते दुवैजनालाई वीरगञ्ज स्थित एल एस न्यूरो अस्पतालमा उपचारका लागि ल्याईएकोमा २३ बर्षीय सुदर्शनको मंगलबार राति १२ बजे उपचारकै क्रममा अस्पतालमा निधन भएको ईलाका प्रहरी कार्यलय पटेर्वासुगौलीका प्रहरी निरीक्षक प्रकाश थापाले जानकारी दिए । अर्का घाईते दिपेन्द्र राय थारुको भने गम्भीर अवस्थामा उपचार भईरहेको प्रहरीले जनाएको छ ।
