काठमाडौं ।
नेपाल सरकारका सहसचिव मदन भुजेल मधेस प्रदेशको मुख्यमन्त्री तथा मन्त्रिपरिषद् कार्यालयमा कायममुकायम प्रमुख सचिवमा मुकरर भएका छन्।
मन्त्रिपरिषद्को पुस २६ गते बसेको बैठकले उनलाई प्रमुख सचिवमा मुकरर गर्ने निर्णय गरेको हो। प्रमुख सचिव निजामती सेवाको विशिष्ट श्रेणीको कर्मचारी रहने पद हो।
भुजेल यसअघि कृषि तथा पशुपंक्षी विकास मन्त्रालयका सहसचिव थिए। यसअघि उनले विभिन्न जिल्लामा प्रमुख जिल्ला अधिकारीका रूपमा पनि जिम्मेवारी सम्हालेका छन्। उनी हेटौँडा नगरपालिकामा प्रमुख कार्यकारी अधिकृत भएर पनि काम गरेका थिए।
