हङकङ ।
हङकङमा शुक्रबार दिउँसो भूकम्पको धक्का महसुस भएको छ।
चीनको ग्वान्दोङ प्रान्तमा गएको भूकम्पको धक्का हङकङमा समेत महसुस गरिएको हो।
हङकङ अब्जर्भेटरीले चीनको ग्वान्दोङ प्रान्तस्थित शानवेईको दक्षिणमा रहेको समुद्रमा केन्द्रबिन्दु भई शुक्रबार दिउँसो २:४० बजे ४.२ म्याग्निच्युडको भूकम्प गएको बताएको छ।
केन्द्रबिन्दु हङकङबाट करिब २ सय किलोमिटर दक्षिणपूर्वमा पर्दछ। केन्द्रबिन्दुको गहिराइ लगभग १० किलोमिटर रहेको छ।
भूकम्पको कम्पन केही सकेन्डसम्म महसुस भएको थियो। कम्पनको महसुस आराम गरिरहेका, माथिल्लो तलामा बसेका वा अनुकूल स्थानमा रहेका मानिसहरूले महसुस गर्ने खालको रहेको अब्जर्भेटरीको बुलेटिनमा उल्लेख छ।
