जनकपुरधाम ।
जनकपुरधामको मिल्स एरियास्थित सिद्धार्थ बैंकमा जग्गा निलामीको विषयमा विवाद हुँदा प्रहरीले सो शाखाका प्रबन्धक र लोन अधिकृतलाई नियन्त्रणमा लिएको छ ।
ऋणी ऋण चुक्ता गर्न तयार रहेपनि बैंकले ऋणीको जग्गा निलाम गरी अरुको नाममा पास गरेपछि व्यापारी तथा स्थानीय प्रदर्शनमा उतरिएपछि प्रहरीले बैंकको प्रबन्धक अर्ण बलम्पाकी र लोन अधिकृतलाई नियन्त्रणमा लिएको हो । यद्यपि प्रहरीले व्यापारी तथा स्थानीय प्रदर्शनमा उतरिएपछि अप्रिय घटना घट्न नदिनकालागि दूबैजनालाई प्रहरी कार्यालयमा राखेको जनाएको छ । जिल्ला प्रहरी कार्यालय धनुषाका प्रहरी नायब उपरीक्षक बरुणबहादुर सिंहले जग्गा निलामीको विषयमा मिल्सएरियामा रहेको सिद्धार्थ बैंकको शाखामा जग्गा निलामीको विषयमा व्यापारी तथा स्थानीय प्रदर्शन गरिरहेको खबर पाएर उनीहरुलाई सुरक्षित राख्नकालागि नियन्त्रणमा लिएको जानकारी दिए ।
के हो विवाद ?
जनकपुरधामको भ्रमरपुरा चोकमा रहेको लक्ष्मी ट्रेडर्स संचाल गर्दै आईरहेका दिनेश राय कुर्मीले सिद्धार्थ बैंकको मिल्स एरिया शाखाबाट ३५ लाख रुपैयाँको विजनेश लोन र भाउजुको नाममा महेन्द्रनगरस्थित सिद्धार्थ बैंकको शाखाबाट ४५ लाखको व्यक्तिगत लोन लिए । दूबै लोनको ब्याज आफूले समय समयमा बुझाउँदै आएको रायले दावी गरे । उनले आफू पूरै ऋण चुक्ता गर्छु भनेपछि मात्रै दूबै शाखाका प्रबन्धक मिलेर आफूलाई फसाउन खोजेको आरोप लगाए । रायका अनुसार ऋण बुझाउनकै लागि गत दुई सातादे बैंक धाउँदै आईरहेका थिए । बैंकका प्रबन्धकलाई ऋण क्लियर गर्छु हिसाब देखाई दिनुस भन्दा सादा कागजमा मात्रै हिसाब देखाए, रायले भने ‘सादा कागजको हिसाब मान्दिन भन्दा आजको आजै ऋण चुक्ता गर्नुस नभए जग्गा निलाम गर्छु भन्दै धम्काउन थाले ।’ आफूले एक साताको समय दिनुस पूरै ऋण चुक्ता गर्छु भन्दा भन्दै पनि अरुको नाममा जग्गा पास गरि दिएको गुनासो उनले पोखे ।
अरुको नाममा बैंकले दिनेशको जग्गा पास गरिदिएपछि जनकपुर उद्योग वाणिज्य संघलाई न्यायकालागि आफूले गुहारेको र जनकपुरधामका व्यापारीहरुले आफूलाई साथ पनि दिएको उनले बताए ।
