एजेन्सी ।
तिब्बती धर्मगुरु दलाई लामाको बढ्दो उमेरका कारण उनको उत्तराधिकारी को हुने भन्नेमा चर्को बहस भइरहेको छ ।
यसैबीच दलाई लामाले आफू ११० वर्षसम्म बाँच्ने दाबी गरेका छन् । ८९ वर्षीय दलाई लामालाई गत जुनमा घुँडाको शल्यक्रियाका लागि न्युयोर्क लगिएको थियो । यससँगै दलाई लामाबिना तिब्बती बौद्धहरूको भविष्यबारे के होला भन्ने चर्चा तीव्र बनेको हो ।
तर, दलाई लामाले आफ्नो स्वास्थ्यमा चिन्ता लिनुपर्ने कुरा नभएको बताएका हुन् । समाचार एजेन्सी रोयटर्सलाई दिएको अन्तर्वार्तामा उनले भनेका छन्, ‘मेरो सपनामा म सायद ११० वर्ष बाँच्नेछु ।
उनले आफ्नो घुँडा पनि निको भइरहेको बताएका छन्। दलाई लामाले भनेका छन्, ‘यो गम्भीर समस्या होइन ।’ उनले चीनले कसैलाई आफ्नो उत्तराधिकारी चुनेमा सम्मान नगर्ने चेतावनीसमेत दिएका छन् ।
