जनकपुरधाम ।
नेपाल प्रिमियर लिग (एनपीएल) को पहिलो संस्करणको उपाधिमाथी जनकपुर बोल्ट्सले कब्जा जमाएको खुशियालीमा जनकपुरधाममा साधुसन्तका लागि भण्डाराको आयोजना गरिएको छ । शनिबार भएको एनपीएलको फाइनलमा जनकपुर बोल्ट्सले सुदूरपश्चिम रोयल्समाथि ५ विकेटको जित निकालेको थियो । एनपीएल जितेको उपलक्ष्यमा जनकपुरधाममा साधुसन्तहरुलाई बेलाएर भण्डारा गरिएको हो ।
जनकपुर बोल्ट्सले एनपीएलको पहिलो उपाधी जितेको खुशीमा साधुसन्तहरुलाई खाना खुवाएको महावीर युवा कमिटीका अध्यक्ष अजय गुप्ताले जानकारी दिए । यस अघि कमिटीले शनिबार जनकपुर बोल्ट्सको जीतको कामना सहित विभिन्न मठ मन्दिरमा पूजा अर्चना समेत गरेको थियो ।
