जनकपुरधाम ।
सैफ जैब र विनोद भण्डारीको शतकीय ओपनिंग साझेदारीको सहयोगमा सुदुरपश्चिमले जनकपुर बोल्ट्सलाई एनपीएलको फाइनलमा १ सय ८५ रनको विशाल लक्ष्य प्रस्तुत गरेको छ । सुदुरपश्चिमले फाइनल मैचमा ९ विकेटको क्षतिमा १ सय ८४ रनको विशाल स्कोर खडा गरेपछि जनकपुर बोल्ट्सले जीतकालागि १ सय ८५ रनको लक्ष्य पाएको हो ।
ओपनर जैबले ४३ बल खेल्दै ८ चौका र २ छक्का मदतमा सर्वाधिक ६९ रन बनाएका हुन् । अर्का ओपनर विनोद भण्डारीले ३१ बल खेल्दै १ चौका र ३ छक्का मदतमा ४१ रन जोडे ।
जैब र विनोदले पहिदलो विकेटका लागि १२ ओभरमा ११७ रनको साझेदारी गरेका थिए ।
ओपनरले राम्रो सुरुवात दिलाएपनि मिडल अर्डर र लोअर अर्डरले राम्रो कन्ट्रिब्युट गर्न सकेनन् । बलिङमा जनकपुरका किशोर महतो र मोहम्मद मोहसिनले ३–३ विकेट लिए ।
