एजेन्सी ।
अन्तर्राष्ट्रिय क्रिकेट परिषद् (आईसीसी) का प्रतियोगिता खेल्न पाकिस्तान भारत र भारत पाकिस्तान जानु नपर्ने भएको छ ।
आईसीसीको बिहीबार बसेको बोर्ड बैठकले सन् २०२७ सम्म हुने भारत र पाकिस्तानका सबै खेल तटस्थ स्थानमा खेलाइने निर्णय गरेको हो ।
आउँदो फेब्रुअरी र मार्चमा पाकिस्तानमा हुने च्याम्पियन्स ट्रफिमा भारतले खेल्न नजाने निर्णय गरेको थियो । सुरक्षाका कारण भारतले खेल्न नजाने भनेपछि पाकिस्तानले पनि अन्य प्रतियोगितामा पनि आफु भारतमा खेल्न नजाने प्रस्ताव गरेको थियो । सोहीअनुसार आईसीसीले सन् २०२७ सम्म हुने भारत र पाकिस्तान सहभागी सबै प्रतियोगिता तटस्थ ठाउँमा गर्ने निर्णय गरेको हो ।
योसँगै पाकिस्तानले आयोजना गर्ने च्याम्पियन ट्रफी २०२५ सहित भारतले आयोजना गर्ने महिला विश्वकप क्रिकेट २०२५, भारत र सन् २०२६ मा श्रीलंका र भारतले आयोजना गर्ने टी–२० विश्वकप क्रिकेट पनि तटस्थ भूमिका हुनेछ । यस्तै सन् २०२८ मा हुने टी–२० महिला विश्वकप आयोजना गर्ने अधिकार पाकिस्तानलाई प्रदान गरिएको छ ।
