जनकपुरधाम ।
नेपाल प्रिमियर लिग (एनपीएल) क्रिकेट प्रतियोगिताको उपाधीकालागि शनिबार जनकपुर बोल्ट्स र सुदूरपश्चिम रोयल्स आमने सामने हुनेछ । जनकपुरधामलाई उपाधी जिताउने शक्तिका लागि केही फ्यानले होमदेखि पूजापाठ पनि गर्ने घोषणा गरेका छन् ।
जनकपुर बोल्ट्सको समर्थनमा शनिबार बिहान ९ बजेदेखि राजदेवी मन्दिरमा विशेष पूजापाठ गरिने भएको छ । महावीर युवा कमिटीका अध्यक्ष अजय कुमार गुप्ताले जनकपुरधामलाई एनपीएलको उपाधि जिताउन भगवानसँग प्रार्थना गर्दै राजेदेवीमा विशेष पूजापाठ गरिने बताए ।
अध्यक्ष गुप्ताले जनकपुर बोल्ट्सलाई ग्रहका कारण हुन सक्ने बाधा फुकाउने उद्धेश्यले पूजा गर्न लागिएको बताए । उनले जनकपुर बोल्ट्सको एनपीएल जित्ने चहाना पूरा गराउनका लागि ग्रहहरूको बाधा–अड्चन फुकाउन विशेष पूजापाठ गरिने बताए ।
