काठमाडौँ ।
जल तथा मौसम विज्ञान विभागअन्तर्गतको मौसम पूर्वानुमान महाशाखाको वेबसाइट mfd.gov.np ह्याक भएको छ । मौसम महाशाखाकी मौसमविद् प्रतिभा मानन्धरले गएरातिदेखि वेबसाइट ह्याक भएको जानकारी दिइन् ।
‘गएरातिदेखि हाम्रोे बेवसाइट ह्याक भएको छ’, सोमबार बिहान उनले भनिन्, ‘हाम्रो आईटी सेक्सनबाट बनाउने प्रयास भइरहेको छ ।’ समय समयमा यस्तो हुने गरेको उनले बताइन् ।
महाशाखाले mfd.gov.np वेभसाइटबाट दैनिक मौसमबारे जानकारी दिन्थ्यो । तर आज बिहानदेखि यो खुलेको छैन । तर महाशाखाको नयाँ बेवसाइट mfd.gov.np भने सञ्चालनमै रहेको जानकारी मौसमविद् मानन्धरले दिइन् ।
