जनकपुरधाम ।
भारतक बिहारस्थित दरभंगामे विवाहपञ्चमीक शोभा यात्रापर पत्थरवाजी कएल गेल अछि । लहरियासराय थाना अन्तर्गत दरभंगाक वाजिदपुर क्षेत्रसँ विवाहपञ्चमीक शोभा यात्रा निकलल् समयमे पत्थरवाजी भेल अछि ।
शोभा यात्रापर पत्थरवाजी भेलाक बाद दू समुदायबीच झडप सेहो भेल पुलिस जनौलक अछि । झडपमे परि कऽ ३ गोटे सामान्य घायल सेहो भेल छथि । यद्यपि झडपके कारण सम्बन्धमे पुलिस अनभिज्ञयता प्रकट कएलक अछि ।
दरभंगामे बितल २० वर्षसँ विवाहपञ्चमीक अवसरमे शोभा यात्रा निकलैत आएल छल । मुदा कहिओ एहि प्रकारक अप्रिय घटना नहि घटल स्थानीयके कहब अछि ।
एम्हर घटनास्थल पहुँच पुलिस स्थितिके सामन्य बनौने अछि तऽ घटनाक सम्बन्धमे अनुसन्धान सेहो कऽ रहल अछि ।
