जनकपुरधाम ।
रामजानकी विवाहपञ्चमीको अवसरमा जनकपुरधामको विभिन्न स्थानमा विभिन्न जातीय संगठन, सामाजिक संस्था, शैक्षिक संस्थानले शिविरहरु राखी तीर्थयात्रीहरुलाई सुविधा दिएका छन् ।
कतै निशुल्क भोजन, कतै खाजा वितरण, चिया, सर्वत पनि वितरण गरिएको छ । नगरको दर्जनो स्थानमा स्वास्थ्य शिविर राखिएको थियो ।
मोडेल मेडिकल इन्स्टिच्यूटले मोडेल मल्टिपल कलेज जनकपुरधामको अगाडी स्वास्थ्य शिविर राखेको थियो । सो शिविरमा उपचार गराउनुका साथै निशुल्क औषधी पनि वितरण गरिएको छ ।
यस्ता शिविरहरुले तीर्थयात्रीहरुलाई निकै लाभ भेटाएको स्थानीयवासीहरुले बताएका छन् ।
