एजेन्सी ।
सिरियामा विद्रोही समूहले सेना फिर्ता भएपछि हामा सहर पूर्ण रूपमा नियन्त्रणमा लिएको दाबी गरेको छ । बीबीसीको समाचारअनुसार इस्लामिक चरमपन्थी विद्रोही समूह हयात तहरिर अल–शाम (एचटीएस) का नेता अबु मोहम्मद अल–जवलानीले हामामा विजय घोषणा गरेका छन् ।
उनले सहरमा ‘कसैबाट बदला नलिने’ बताएका छन् । यसअघि विद्रोही र उसका सहयोगीले हामाको केन्द्रीय कारागार कब्जा गरेका थिए। त्यसपछि उनीहरूले भीषण लडाइँका बीच कैदीहरूलाई रिहा गरेका थिए । एलेप्पोबाट ११० किलोमिटर दक्षिणमा अवस्थित हामामा १० लाख मानिस बस्छन् ।
