जनकपुरधाम ।
भारतको अयोध्यास्थित रामजन्म भूमि तिर्थ क्षेत्र ट्रष्टका महासचिव चम्पत राय बुधबार अबेर साँझ जनकपुरधाम आई पुगेका छन् । सीताराम विवाहमा सहभागी हुनकालािग अयोध्याबाट आएका जन्तीसंगै जनकपुरधाम आउन नसकेका महासचिव राय, अयोध्याका मेयर गिरिश त्रीपाठीसंगै जनकपुरधाम आई पुगेका हुन् । दूबै जनालाई विश्व हिन्दु परिषदका नेपाल उपाध्यक्ष रघुनाथ साह, धनुषा अध्यक्ष संतोष साह तथा योगगुरु मनोहर साहले स्वागत गरेका छन् ।
यस अघि भिठामोड नाकामा महोत्तरीको जलेश्वर नगरपालिकाका नगरप्रमुख सुरेश ठाकुर सोनार र मनरासिस्वा नगरपालिकाका नगरप्रमुख मोहन पाण्डेले स्वागत गरेका थिए । जलेश्वरमा महासचिव राय जलेश्वरनाथ महादेव मन्दिरमा पूजा अराधना पश्चात जनकपुरधामकालागि प्रस्थान गरेका थिए । अब उनी मंसिर २१ गते जानकी मन्दिरको प्राङ्गणमा सीतारामको वैवाहिक कार्यक्रममा सहभागी समेत हुनेछन् ।
