जनकपुरधाम ।
रामजानकी विवाह महोत्सवमे सहभागि होबए लेल अयोध्यासँ आएल बरियाती महोत्तरीक पिपरा गाममे पहुँचलाक बाद भव्य स्वागत कएल गेल । बरियातीसभकेँ गाउँपालिकाक अध्यक्ष रामजानकी यादव आ उपाध्यक्ष बन्दना पाण्डे गाउँपालिका दिससँ बरियातीक नेतृत्वकर्ता राजेन्द्र सिंह ‘पंकज’ के अभिनन्दन कएलन्हि ।
पिपराक महिलासभ बरियातीकेँ डहकन गीत गाबि सेहो आनन्दीत कएलन्हि । बरियातीक स्वागतमे पूरे गाम उमडि़ पड़ल छल ।
बरियातीसभकेँ मिथिला भोजन सेहो कराओल गेल छल । समाजसेवी भुषण मिश्रा गामबासी दिससँ बरियातीकेँ धन्यवाद कएलन्हि ।
