जनकपुरधाम ।
जनकपुरधाममा सप्ताहव्यापी सीताराम विवाहपञ्चमी महोत्सव आइतवारदेखि विधिवत रुपमा सुरु हुँदैछ ।
त्रेता युगमा भगवान राम र आदर्श नारी सीताबीच विवाह भएको स्मरणमा प्रत्येक वर्ष विवाहपञ्चमी महोत्सव मनाउने गरिन्छ । विवाहपञ्चमीको पहिलो दिन नगर दर्शन विधि गरिन्छ । जसमा राम लक्ष्मणको प्रतीक स्वरूप बनाइएको राम लक्ष्मणलाई जनकपुरधाम नगरदर्शन गराइन्छ ।
नगरदर्शनको जनकपुरधामको प्रमुख धार्मिक स्थल जानकी मन्दिर प्रागंणमा विशेष तैयारी भइरहेको छ । जानकी मन्दिरमा कृतिम बजार बनाइने र त्यही बजारमा रामलक्ष्मण लाई घुमाउने कार्यक्रम रहेको मन्दिरका उत्तराधिकारी महन्थ रामरोशन दास वैष्णवले बताउनुभयो ।
