जनकपुरधाम ।
जनकपुरधामका निजि विद्यालयहरु बन्द रहेको समयमा निजि विद्यालयका संगठनको प्रतिनिधिहरुले धनुषा ३का प्रतिनिधिसभा सांसद जुली महतोसंग छलफल गरेका छन् । सांसद महतोसंगको छलफलमा निजि विद्यालयका प्रतिनिधिहरुले उपमहानगरको रबैयाका कारण जनकपुरधामका विद्यालयहरु बन्द गर्नुपरेको गुनासो गरेका थिए । उनीहरुले आफूहरुले लचकता अपनाए पनि जनकपुरधाम उपमहानगरपालिकाका नगरप्रमुख मनोजकुमार साहको कारण समस्या बल्झिदै गएको गुनासो सांसद महतो समक्ष गरेका थिए ।
छलफलको क्रममा सांसद महतोले आफूले समस्याको समाधान पछि खोज्दै जाने र तत्कालन विद्यालय संचालनमा ल्याउनु् आवश्यक रहेको बताइन् । यसकालागि सबै पक्ष लचिलो हुनु आवश्यक रहेको बताइन् । वार्ता र सम्वादकै माध्यमले कुनै पनि समस्याको हल निस्किने भएकाले द्वन्द्वको सिर्जना नगरी वार्ताकै माध्यमले हाल खोज्न निजि विद्यालयका प्रतिनिधिहरुलाई आग्रह गरेकी थिइन् ।
