जनकपुरधाम ।
पूर्व प्रधानमन्त्री एवं नेपाली कांग्रेसका सभापति शेर बहादुर देउवा भोलि सोमबार विहान जनकपुरधाम आउने भएको छ । प्रजातान्त्रिक आन्दोलनका योद्धा अरविन्द ठाकुरको जनकपुरधाम २५ स्थित लोहना वभनगामामा प्रतिमा अनावरणको कार्यक्रम रहेको छ ।
नेपाली कांग्रेस धनुषाका सभापति योगेन्द्र पजियारका अनुसार बिहान १० बजे बिमानबाट पूर्वप्रधानमन्त्री जनकपुरधाम आउनु हुनेछ ।
जनकपुरधाम विमानस्थलवाट सीताशरण होटेल जाने कार्यक्रम रहेको छ । सो होटेलमा भोजनको कार्यक्रम रहेको छ । करिब १ बजे अरविन्द ठाकुरको प्रतिमा अनावरणको देउवाको कार्यक्रम रहेको जानकारी पार्टी सभापति पजियारले दिनुभएको छ । भोलि नै पूर्वप्रधानमन्त्रीको काठमाडौ फर्किने कार्यक्रम रहेको छ ।
