जनकपुरधाम ।
जनकपुरधाम उपमहानगरपालिकामा सञ्चालनमा रहेका सम्पूर्ण निजी विद्यालयहरु आज पनि बन्द छन् । हिसान, प्याबसन, एनप्याबसन तथा मधेस प्याब्नको संयुक्त आन्दोलन तथा विद्यार्थीहरुको आन्दोलनका कारण जनकपुरधामका विद्यालयहरु आज पनि बन्द रहेका छन् ।
शनिबार दुवै पक्षबीच भएको वार्ता निश्कर्षविहिन रहेकाले जनकपुरधामका विद्यालयहरु आइतबार पनि संचालनमा आउन सकेनन् ।
तत्काल विद्यालय संचालनमा ल्याउन सक्ने परस्थिति नरहेको हिसान धनुषाका अध्यक्ष सञ्जिव ठाकुरले बताए । एनप्याब्सन जनकपुरधामका नगर अध्यक्ष दीपक ठाकुरले आज बस्ने बैठकबाट आन्दोलनको स्वरुप परिवर्तन गरी आन्दोलनलाई निरन्तरता दिने बताए ।
