एजेन्सी ।
भारत अस्ट्रेलियाविरुद्धको पहिलो टेस्टमा १५० रनमा अलआउट भएको छ । अस्ट्रेलियाको पर्थमा शुक्रबारदेखि शुरु भएको ५ खेलको श्रृंखलाको पहिलो खेलमा टस जितेर पहिले ब्याटिङ गरेको भारतले १५० रन बनाउँदा अलआउट भएको छ ।
भारतका लागि डेभ्यु खेल खेलिरहेका नितिश कुमार रेड्डीले सर्वाधिक ४१ रन बनाए भने ऋषभ पन्तले ३७, केएल राहुलले २६ रन बनाएका थिए । त्यस्तै भारतको ब्याटिङ लाइन ध्वस्त गर्नेक्रममा अस्ट्रेलियाका बलर जोश हेजलवूडले सर्वाधिक ४ विकेट लिए भने मिचेल स्टार्क, पैट कमिन्स र मिचेल मार्शले २–२ विकेट लिएका थिए । भारतका कप्तान रोहित शर्माको अनुपस्थितिमा जसप्रित बुमराहले पहिलो मैचको कप्तानी गरेका छन् ।
