जनकपुरधाम ।
स्थानीय तह उपनिर्वाचनकालागि धनुषाधाम नगरपालिका वडा नम्बर १को वडाध्यक्षकालागि २१ ज्नाले उम्मेदवारी दर्ता गराएका छन् । मुख्य निर्वाचन अधिकृत चुडामणि खड्काका वडाध्यक्ष पदका लागि १२ राजनीतिक दलका उम्मेदवारसहित २१ जनाको उम्मेदवारी परेको हो ।
मधेश प्रदेशका विभिन्न जिल्लामा सात वडा अध्यक्ष पदका लागि यहीँ मंसिर १६ गते निर्वाचन हुँदैछ ।
जिल्ला समन्वय समिति प्रमुखमा १, गाउँपालिका अध्यक्ष, उपाध्यक्ष तथा नगर प्रमुख, उपप्रमुखमा ८ र वडा अध्यक्षमा ३४ गरी ४३ पदका लागि मंसिर १६ गते निर्वाचन हुँदैछ । यसका लागि ४०७ जनाको उम्मेदवारी परेको निर्वाचन आयोगले जनाएको छ । ओखलढुङ्गा जिल्ला समन्वय समिति प्रमुख पदमा आइतबारै नेपाली कांग्रेसका टेकराज भट्टराई निर्विरोध निर्वाचित भएका छन् ।
