जनकपुरधाम ।
सर्लाहीको मियाँखोरमा गुड्दागुड्दै पोखरीमा खसेर डुबेको कारबाट २ जनाको शव निकालिएको छ । मंगलबार बिहान बयलवासबाट महोत्तरीको गौशाला जाँदै गरेको लु२च ६७५८ नम्बरको कार सर्लाहीकै ईश्वरपुर नगरपालिका–२ मियाँखोरस्थित पोखरीमा डुबेको थियो ।
कारमा सवार गौशाला नगरपालिका–१० का ३७ वर्षीय सुरेश महतो र सोनमा गाउँपालिका–८का ३७ वर्षीय रामाकान्त ठाकुरको शव फेला परेको हो ।
कारमा सवार अर्का व्यक्ति महोत्तरीको गौशाला २का ३१ वर्षीय जनक यादव पौडेर बाहिर निस्कन सफल भएका छन् ।
