जनकपुरधाम
कलाणेश्वर स्थानक सिद्ध साधु सुधाकर बाबाक अन्तिम संस्कार आइ बेरियामे सम्पन्न भेल अछि । बाबाक भातिज पंकज झा आगि देलन्हि अछि । बृहस्पति राति नेपाली समय अनुसार ११ बाजिकऽ १५ मिनेटमे बाबाक निधन भेल छल । ओ ७० वर्षकेँ छलथि ।
अन्तिम संस्कारमे भारी भीड़ छल । नेपालसँ सेहो बहुत लोक पहुँचल छलथि । निधनक बाद हुनक पार्थिव शरीरकेँ आमलोकक दर्शनक लेल कलाणेश्वर स्थानमे राखल गेल छल ।
सुधाकर बाबा जनकपुरधाम उपमहानगरपालिका २५ क बभनगामाक छलथि । ओ चारि दशक पूर्व परमहंश बाबाक शिष्य भऽ गेल रहथि । ओ कलणे स्थानपर रहैत छलथि । शरीरभरि ओ औंठी पहिरने रहैत छलथि । औंठी पहिरलाक कारणेँ हुनका स्थानीयसभ औंठी बाबा कहि कऽ श्रद्धवश सेहो कहल करैत छलन्हि ।
एक हप्ता पूर्व हृदयघात भेलाक कारणेँ हुनक उपचार बासोपट्टीमे भऽ रहल छल । हुनक उपचार डा. रमणकुमार कऽ रहल छलथि ।
