जनकपुरधाम ।
प्रादेशिक आयुर्वेद तथा वैकल्पिक चिकित्सालयको आयोजनामा जनकपुरधाममा आरोग्य दिवस मनाइएको छ ।
मुजेलिया स्थित आयुर्वेद कार्यालयको प्रागंणमा आयोजित सो समारोहमा आफनो स्वास्थ्य प्रति सबैले सचेत हुनुपर्ने सहभागिहरुले संदेश दिएका छन् । उहाँहरुले नियमित योग गर्नुका साथै खानपिनमा सचेत रहन आग्रह समेत गरेका छन् ।
समारोहमा प्रादेशिक आयुर्वेद तथा वैकल्पिक चिकित्सालयका प्रमुख एवं चिकित्सक डा. महारुद्रकुमार ठाकुर, कार्यालयक चिकित्सक एवं कर्मचारीहरु र योगमा नियमित सहभागि हुनेहरु रहेका थिए । भगवान धन्वन्तरीको जन्मदिनको अवसरमा देशको विभिन्न स्थानमा आरोग्य दिवस मनाउने गरिन्छ ।
