एजेन्सी ।
न्युजीलैैण्ड बिरुद्धको दोस्रो टेस्ट मैचको पहिलो इनिंगमा भारत सस्तैमा समेटिएपछि पहिलो कमजोर स्थितिमा पुगेको छ । न्युजीलैण्डका लागि मिचेल सैन्टनर एक्लैले ७ विकेट लिएपछि भारत पहिलो इनिंग्समा मात्र १ सय ५६ रनमा सीमित हुन पुगेको हो ।
भारतको बैटिङ्गमा कुनै पनि ब्याट्समैनले उल्लेख्य प्रदर्शन गर्न सकेनन् । भारतकालागि रविन्द्र जडेजाले सर्वाधिक ३८ रनको योगदान गरे । त्यस्तै यशश्वी जयसवाल र शुभमन गिलले ३०÷३० रनको योगदान गरे ।
पहिलो इनिंग्समा १ सय ३ रनको बढत लिएको न्युजीलैण्डले आफ्नो दोस्रो इनिंग्समा दोस्रो दिनको खेल समाप्त हुँदासम्म ५ विकेटको क्षतिमा १ सय ९८ रन बनाएको छ । यो संगै न्युजीलैण्डले ३ सय १ रनको बढत लिएको छ ।
न्युजीलैण्डकालागि दोस्रो इनिंग्समा टम लैथम ८६ रन बनाएर आउट भएका छन् । क्रिजमा टम ब्लेन्डल ३० रन र ग्लेन फिलिप्स ९ रन बनाएर अविजित छन् ।
