एजेन्सी ।
बलिंगमा वाशिंगटन सुन्दर चम्किदा भारतबिरुद्धको दोस्रो टेस्ट मैचके पहिलो इनिंगमा न्युजीलैण्ड मात्र २ सय ५९ रनमै समेटिएको छ । सुन्दर एक्लैले ७ विकेट लिएपछि न्युजीलैण्डका ब्याट्समैनहरु टिकेर खेल्न नसक्दा २ सय ५९ रनमै समेटिन पुगेको हो । भारतका लागि अर्का स्पिनर रविचन्द्रन आश्विनले ३ विकेट लिए ।
न्युजीलैण्डको ब्याटिङ्गमा डेवेन कन्वे ७६, रचिन रविन्द्रले ६५ र मिचेल सैन्टनरले ३३ रनको योगदान गर्नु बाहेक अन्य कुुनै ब्याट्समैनले उल्लेख्य प्रदर्शन गर्न सकेनन् ।
यता भारतलाई समेत पहिलो इनिंग्सको शुरुवातमै झटका लागेको छ । भारतीय टिमका कप्तान रोहित शर्मा खाता नै नखोली टिम साउथीका शिकार भएका छन् । पहिलो दिनको खेल समाप्त हुँदासम्म भारतले १ विकेटको क्षतिमा १६ रन बनाएको छ ।
