जनकपुरधाम
जनकपुरधामको प्रमुख शक्तिपीठ राजदेवीमा वलि प्रदान शुरु भएको छ । वलि प्रदान कार्यक्रमका प्रमुख आयोजक महावीर युवा कमिटीका पूर्व अध्यक्ष सुनिल कुमार प्रसादले राति ८ बजेर ३९ मिनेटमा वलि प्रदान शुरु भएको छ ।
वलिका लागि मन्दिर पश्चिमतर्फ रहेको ४ बटा ठेहा बनाइएको छ जसमा वलि कार्यक्रम भइरहेको छ । रातिभरीमा करिब १५ हजार बोकाको वलि दिइने बताइएको छ ।
वर्षातका कारण नेपालका विभिन्न सडकहरु क्षतिग्रस्त भएका कारण धेरै व्यक्ति आउन नसकेकाले बोका संख्या घटने केही व्यक्तिले बताएपनि पूर्व अध्यक्ष प्रसादले १५ हजारकै हाराहारीमा वलि दिइने दाबी गर्नु भएको छ ।
वलि प्रदान पूर्व राजदेवीको विशेष पूजा गरिएको छ भने नेपाली सेनाले विशेष सलामी दिएका छन् ।
