जनकपुरधाम
सिन्धुली जिल्लाको सुनकोशीमा बाढीका कारण जनजीवन प्रभावित भएपछि जनकपुरधामबासीले राहत वितरण गरेका छन् । एक सय भन्दा बढी परिवारका लागि राहत लिएर सुनकोशी पुगेको जानकारी नेपाली कांग्रेसका युवा नेता मनोज चौधरीले दिएका छन् ।
राहतमा एक सय २ बोरा चाबल, ५ किलोको च्यूरा एक सय थान, ५ किलोको दाल एक सय थान, नून एक सय थान, आधा लिटरको खानेतेल एक सय थान, दूई सय कार्टुन पानी र १५ कार्टुन चाउचाउ वितरण गरिएको छ ।
कांग्रेसका नेता गणेश तिवारीको नेतृत्वमा वितरण गरिएको सो राहत सामग्री वितरण गर्न घरेलु तथा साना उद्योग महासंघ मधेश प्रदेशका केन्द्रिय अध्यक्ष उमेशप्रसाद सिंह, जनकपुरधाम उद्योग वाणिज्य संघका पूर्व अध्यक्ष ललित साह, मिनापका अध्यक्ष परमेश झा, राम युवा कमिटीका पूर्व अध्यक्ष प्रमोद चौधरी, कांग्रेसका युवा नेता एवं माँ जानकी यातायात प्रालिका अध्यक्ष मनोज चौधरी, नेपाल रेडक्रस सोसाइटी धनुषाका सभापति नरेशप्रसाद सिंह लगायत विभिन्न व्यक्तिहरुको सहभागिता रहेको थियो ।
बाढ़ी–पीडि़तिको लागि राहत सामग्री सुनकोशी गापाका उपाध्यक्ष कपिल कोइरालाको जिम्मा लगाईएको थियो ।
