जनकपुरधाम ।
धनुषामा मोटरसाइकल अनियन्त्रित भई दुर्घटना हुँदा एक जनाको मृत्यु भएको छ । अन्य एकजना गम्भीर घाइते भएका छन् ।
मृत्यु हुनेमा धनुषाको सबैला नगरपालिका १२ रघुनाथपुर बस्ने ४८बर्षिय विश्वेश्वर मण्डल रहेका छन् ।
धनुषाका प्रहरीका अनुसार अनुसार जनकपुरबाट धनुषाधाम तर्फ गइरहेको स ७ प ३९३२ नम्बरको मोटरसाईकल मिथिलाविहारी नगरपालिका २ पर्शुराम तलाउनजिक अनियन्त्रित भएर दुर्घटना भएको थियो । दुर्घटनामा गम्भीर घाइते मण्डलको उपचारकालागि प्रादेशिक अस्पताल जनकपुरधाम ल्याउँदा चिकित्सकले मृत घोषणा गरेका थिए ।
मोटरसाइकलमा पछाडि सबार मृतककै आफन्त नन्द मण्डलकी २२ वर्षीया छोरी रेणु मण्डल गम्भीर घाइते भएकी छन् । उनको प्रादेशिक अस्पताल जनकपुरधाममा उपचार भईरहेको छ ।
