जनकपुरधाम ।
वारा जिल्लाको गढीमाइ मन्दिरमा महाआरती शुरु भएको छ । प्रत्येक दिन साँझ संगीतप्रधान आरती हुनेछ । पुजारी ओमप्रकाश उपाध्यायको नेतृत्वमा ३ जना पण्डितले एकसाथ आरती गरिरहेका छन् । सो आरतीका लागि पाँचजना पण्डितलाई जनकपुरधाममा प्रशिक्षण दिइएको थियो । सो प्रशिक्षण जनकपुरधामका गंगा आरतीका टिमले दिइएका थिए ।
गढीमाई नगरपालिकाका नगर प्रमुख उपेन्द्र यादवको संयोजकत्वमा आरतीका लागि एउटा कमिटी बनाइएको छ । नगरप्रमुख यादव दूई महिना पूर्व जनकपुरधामको आरती हेर्न आएका थिए । सोही क्रममा जनकपुरधामको आरतीका सूत्रधार प्रदेश सांसद रामअशिष यादवसँग भेट भएपछि गढीमाइमा आरती शुरु गर्ने निर्णय गरेको थियो ।
