एजेन्सी ।
दिल्लीका पूर्व मुख्यमन्त्री अरविन्द केजरीवालले मुख्यमन्त्री निवास छोडेका छन् । आम आदमी पार्टीको सोसल मिडिया प्लेटफर्म एक्स ह्यान्डलबाट उक्त जानकारी गराइएको हो ।
एक्समा लेखिएको छ– केजरीवालजी मुख्यमन्त्रीको निवासबाट निस्किए । अब जबसम्म जनताले जनताको अदालतमा उनको इमान्दारिता पुष्टि गर्दै उनलाई पुनः मुख्यमन्त्री बनाउँदैनन् तबसम्म पूर्वमुख्यमन्त्री अरविन्द केजरीवाल मुख्यमन्त्री निवासमा बस्ने छैनन् ।
दिल्लीको मदिरा नीतिमा घोटाला गरेको मुद्दामा जेलमा रहेका केजरीवालले धरौटीमा रिहा भएपछि गत असोज १ गते मुख्यमन्त्री पदबाट राजीनामा दिएका थिए । गत असोज ५ गते आम आदमी पार्टीकी नेता आतिशीले दिल्लीको नयाँ मुख्यमन्त्रीका रूपमा शपथ लिएकी थिइन् ।
