जनकपुरधाम ।
भारतको उत्तर प्रदेशका राज्यपाल आनन्दी बेन पटेलको जनकपुरधाम भ्रमण स्थगित भएको छ । पटेलको आज हुने भनिएको जनकपुरधाम भ्रमण अन्तिम समयमा आएर अचानक स्थगित गरिएको हो । उनको स्वास्थ्यमा समास्या आएका कारण जनकपुरधामको भ्रमण स्थगित गरिएको बताइएको छ ।
यता श्रोतका अनुसार नेपाल अहिले शोकको घडीमा रहेकाले उनको भ्रमण स्थगित गरिएको हुन सक्ने बताइएको छ । नेपालमा बाढी पहिरो तथा डुवानबाट २सभ भन्दा बढी नागरिकको मृत्यु भएकाले राष्ट्रिय शोकको घोषणा नेपाल सरकारले सोमबार साँझ गरेपछि उनको भ्रमण स्थगित गर्नु परेको बताइएको छ ।
उत्तर प्रदेशका राज्यपाल पटेलको जनकपुरधामस्थित जानकी मन्दिरमा पूजा अर्चना गर्नुका साथै प्रदेशका मुख्यमन्त्री सतिशकुमार सिंहसंग भेटघाट गर्ने कार्यक्रम तय गरिएको थियो ।
