जनकपुरधाम ।
नेपाल इन्जिनियर्स एसोसिएसन (एनईए) मधेसका नवनिर्वाचित पदाधिकारीहरुको पद हस्तान्तरण तथा शपथ ग्रहण कार्यक्रम सम्पन्न भएको छ । केही साता अगाडी एसोसिएसनको नयाँ नेतृत्वकालागि भएको निर्वाचनबाट निर्वाचित पदाधिकारीहरुको शपथ ग्रहण समारोह सम्पन्न भएको हो ।
नवनिर्वाचित अध्यक्ष गौरी पण्डितलाई निर्वाचन समिति सदस्य रामरतन यादवले शपथ ग्रहण गराएका थिए । अध्यक्ष पण्डितले भने बाँकी निर्वाचित पदाधिकारीहरुलाई शपथ ग्रहण गराएका थिए । उनले सचिवमा निर्वाचित अजित मण्डल, सहसचिव सफल साह, कोषाध्यक्ष उदितकुमार यादव, सदस्यहरु मनोज साह, अर्चना यादव, रुपेशकुमार यादव, बलिराम साह र अजयकुमार यादवलाई पद तथा गोपनियताको शपथ ग्रहण गराएका थिए । केही नवनिर्वाचित पदाधिकारीहरु उपस्थित नरहेकाले उनीहरुको शपथ ग्रहण गराउन नसकिएको अध्यक्ष पण्डितले जानकारी दिए ।
यसका साथै एसोसिएसनले हिन्दु धर्माबलम्बीहरुको पर्व विजय दशमी, दिपावली तथा छठ पर्वको अवसरमा शुभकामना आदान प्रदान कार्यक्रम समेत गरिएको थियो ।
