काठमाडौँ ।
जनमत पार्टीले विपद् व्यवस्थापनको तयारीमा सरकार कमजोर देखिएको बताएको छ । आइतबार विज्ञप्ति जारी गर्दै पार्टी प्रवक्ता शरदसिंह यादवले सतर्कता र उद्धारको तयारी कमजोर हुँदा देशका विभिन्न भू–भागमा बाढी पहिरोसँगै डुबानमा परि भएको ठुलो जनधनको क्षति हुनु गम्भीर विषय भएको उल्लेख गरेका छन् ।
‘युद्धस्तरमा उद्धार कार्य गर्न तथा नागरिकहरूलाई सुरक्षित स्थानको व्यवस्थापन गर्न, राहत कार्यलाई थप सक्रियताका साथ अगाडी बढाउन समेत जनमत पार्टीले नेपाल सरकारसँग जोरदार माग गर्दछौँ‚’ विज्ञप्तिमा उनले लेखेका छन् ।
बिहीबार देखिको निरन्तर अविरल वर्षा र बाढी पहिरोले देशभरमा गरी १ सय १२ जनाको मृत्यु भएको छ भने १ सय जना घाइते भएको विज्ञप्तिमा उल्लेख गरिएको छ ।
