जनकपुरधाम ।
महोत्तरीको रामगोपालपुरका वडाध्यक्षको हत्यामा संलग्न रहेको आरोपमा प्रहरीले दुई जनालाई पक्राउ गरेको छ । बर्दिबासबाट रामगोपालपुरतर्फ मोटरसाइकलमा आउने क्रममा गत भदौ ९ गते रामगोपालपुर नगरपालिका–२ का वडाध्यक्ष मुकेश यादवको रहष्यमय अवस्थामा शव फेला परेको थियो ।
उनको हत्यामा संलग्न रहेको आरोपमा प्रहरीले औरही नगरपालिका –७ भोइल टिमकियाका संजिव झा र दिलिप मण्डललाई पक्राउ गरेको हो । वडाध्यक्ष यादवको रहस्यमय मृत्युमा संलग्न दुई जनालाई पक्राउ गरी कर्तव्य ज्यान मुद्दा दर्ता गरी अनुसन्धान अगाडी बढाइएको जिल्ला प्रहरी कार्यालय महोत्तरीले जनाएको छ । वडाध्यक्ष यादवको मृत्युबारे सीआइबीले समेत अनुसन्धान गरिरहेको छ ।
