जनकपुरधाम ।
जर्मनीस्थित नेपाली समाज ई.भीका अध्यक्ष शिव अधिकारील हेसेन श्रम, एकीकरण, युवा र सामाजिक मामिलाको मन्त्रालयको इन्टिग्रेसन कन्फ्रेन्सको सदस्यको रुपमा मनोनित भएका छन् । अधिकारी इन्टिग्रेसन कन्फ्रेन्सको नेपाली सदस्यको रुपमा मनोनित हुने पहिलो व्यक्त भएका छन् ।
जर्मनीको हेसेन राज्यमा त्यहाँका मन्त्री हाईके होफमानको अध्यक्षतामा ५ वर्ष अवधिका लागि इन्टिग्रेसन कन्फ्रेन्सकोे गठन गरिएको थियो । २० वर्षभन्दा बढी समयदेखि जर्मनीमा रहेर एकिकरण र अन्तरसांस्कृतिक समझदारी बढाउन सक्रिय रहेकाले उनलाई सदस्य मनोनयन गरिएको बताइएको छ । अधिकारी नेपालको सिरहा जिल्लाका वासी हुन् ।
हेसेन श्रम, एकीकरण, युवा र सामाजिक मामिला मन्त्रालयको इन्टिग्रेसन कन्फ्रेन्स प्रमुख संस्था हो ।। यो संस्थाले प्रवासन र एकीकरणका मुद्दाहरु सम्बोधन गर्ने गर्छ । यस सम्मेलनमा उद्योग, राजनीति, अनुसन्धान संस्थानहरू र विभिन्न संगठनका प्रमुख व्यक्तिहरू समावेश छन् ।
