काठमाडौँ ।
आईसीसी विश्वकप लिग–२ अन्तर्गत क्यानडा सम्मिलित त्रिकोणात्मक सिरिजको अन्तिम खेलमा आज नेपाल ओमानसँग भिड्दैछ । क्यानडाको किङसिटीमा हुने खेल नेपाली समयअनुसार राति पौने ९ बजे सुरु हुनेछ ।
सिरिजका तीनै खेलमा हार भोगेको नेपाली राष्ट्रिय क्रिकेट टोली आज ओमानलाई जितेर प्रतियोगिताको सुखद अन्त्य गर्न चाहन्छ । पहिलो खेलमा नेपाल ओमानसँग १ विकेटले हा¥यो । यस्तै घरेलु टोली क्यानडासँग पहिलो खेलमा १ सय ३ रनको फराकिलो अन्तरले हारेको नेपाल दोस्रो खेलमा भने ५ विकेटले पराजित भयो ।
नेपाली टोलीले लिग–२ का पछिल्ला ५ खेलमा लगातार हार भोगिरहेको छ । पछिल्लो समय खराब लयमा रहेको नेपाली टोली लिग–२ मा दोस्रो जितको खोजीमा छ । जारी सिरिजमा नेपाली टोलीले लय गुमाउँदा नेपाल लगातार हारको सिकार भइरहेको छ ।
टोलीका मुख्य प्रशिक्षक मोन्टी देसाईले जारी सिरिजमा दुई खेलमा नेपाली टोलीका प्रमुख तीन खेलाडीलाई बेन्चमा राखेका छन् । ओपनर कुशल भुर्तेल, दीपेन्द्रसिंह ऐरी र कुशल मल्ल आजको खेलमा सुरुवाती ११ मा आउन सक्नेछन् । लिग–२ त्रिकोणात्मक सिरिजपछि नेपाली टोलीले यही टोलीसँग टी–२० आई सिरिज खेल्नेछ ।
