जनकपुरधाम ।
दुई महिनादेखि निर्देशकविहिन रहेको प्रादेशिक अस्पताल जनकपुरधामले निर्देशक पाएको छ ।
प्रादेशिक अस्पतालमै कार्यरत रहेका बालरोग विशेषज्ञ डा. जामुन सिंहलाई निर्देशक पदमा चयन गरिएको छ । प्रादेशिक अस्पतालको निर्देशक पदमा कार्यरत रहेकै समयमा डा. रामनरेश पण्डितको सरुवा भएपछि काठमाडौंमा तानिएको थियो । तर उनी फेरी सरुवा भएर जनकपुरधाम नै आई पुगेका छन् । ११औँ तहका डा.पण्डितलाई नै निर्देशक बनाइने सम्भावना रहेपनि अन्ततः प्रदेश सरकारले डा. सिंहलाई प्रादेशिक अस्पतालको निर्देशकमा चयन गरेको हो ।
यता डा. पण्डितलाई प्रदेश सरकारले काजमा नखटाउँदा विगत एक महिनादेखि मुख्यमन्त्री कार्यालयमै हाजिरी गर्दै आईरहेका छन् ।
