जनकपुरधाम ।
नेकपा एमालेका उपमहासचिव प्रदीप ज्ञवालीले प्रदेश सरकारहरुले प्रादेशिक मुद्दाहरुलाई एजेण्डा बनाएर अगाडी बढ्नुपर्नेमा जोड दिएका छन् । जनकपुरधाम विमानस्थलमा संचारकर्मीहरुसंग कुरा गर्दै नेता ज्ञवालीले प्रदेश सरकारहरुले प्रादेशिक मुद्दालाई महत्व दिए संघियता कार्यान्वयन सहज हुने बताए ।
केन्द्र हल्लियोे कि प्रदेश पनि हल्लिने परिपाटीका कारण अहिले संघियता कार्यान्वयनमा समस्या देखिएको उनले बताए । काठमाडौँमा पानी पर्यो कि जनकपुरधाममा छाता ओेढ्ने परिपाटीको अन्त्य गरौँ, उनले भने ‘राष्ट्रिय राजनीतिमा राष्ट्रिय मुद्दा चल्नुपर्ने हो, प्रदेशमा प्रादेशिक राजनीतिक चल्नु पर्ने हो तर कस्तो भएको छ भने राष्ट्रिय राजनीति थोरै हल्लियो कि त्यसको प्रभाव प्रदेशमा पनि पर्ने गरेको छ, जुन नहुनुपर्ने हो ।’ प्रदेश सरकारहरुले प्रादेशिक मुद्दालाई स्थापित गर्दै जाला त्यसमा आफू विश्वस्त रहेको ज्ञवालीले बताए ।
उनले वर्तमान संविधानको विपक्षमा मधेस केन्द्रित दलहरु रहेको आफूले नदेखेको बताए । दुई वटा निर्र्वाचनमा ती दलहरु सहभागी भई सकेका छन्, विभिन्न सरकारमा सहभागी पनि छन्, उनले भने ‘मधेका दलहरुको संविधानको केही बुँदामा असन्तुष्टी छन् त्यो असन्तुष्टी संविधान कार्यान्वयनकै क्रममा हटाउन सकिन्छ ।’
