Breaking 
नो केवलकार समुहले आन्दोलनको घोषणा गरे, अब म मुकुमलुङ जान्छु - पूर्वउप प्रधानमन्त्री राजेन्द्र महतो | जापानले हेल्थ केयरमा २० हजार नेपाली लैजाने | काठमाडौंमा फेरि शक्ति प्रदर्शन गर्ने तयारीमा शिक्षकहरू | माओवादी केन्द्रले बोलायो जनप्रतिनिधिको राष्ट्रिय भेला | काठमाडौं विश्वविद्यालयको उपकुलपति छनोट समितिले अन्तिम १० जना प्रतिस्पर्धीको सूची सार्वजनिक गरे | प्रधानमन्त्री ओलीलाई पदमुक्त गर्न माग गर्दै सर्वोच्चमा निवेदन दर्ता | वन मन्त्रालयको नाम फेर्न प्रस्ताव | खानेपानी मन्त्रालयमा भएको आगलागीको छानबिन गर्न माग | नो केबलकार समूहद्वारा थप आन्दोलनको घोषणा | ममता कुलकर्णीबिरुद्ध आवाज उठाउने हिमाङ्गी सखीमाथि सांघातिक आक्रमण |

म्यानमारमा यागी आँधीका कारण २ सयको मृत्यु, ८० बढी बेपत्ता





एजेन्सी ।
म्यानमारमा चक्रवात ‘यागी’को प्रभावले भएको भीषण वर्षापछि आएको बाढीमा परी दुई सयभन्दा बढी मानिसको मृत्यु भएको छ । त्यहाँको सैनिक सरकारका अनुसार ८० भन्दा बढी मानिस बेपत्ता छन् । वर्षा र बाढीले म्यानमारको जनजीवन तहसनहस भएको छ । ‘यागी’ यस वर्ष एसियामा आएको सबैभन्दा शक्तिशाली आँधी हो ।
आधिकारिक तथ्यांकअनुसार यो आँधीले भियतनाम, लाओस, थाइल्यान्ड र म्यानमारमा सेप्टेम्बरको सुरुदेखि नै ५सय भन्दा बढीको ज्यान लिइसकेको छ । यागीका कारण म्यानमारमा जताततै बाढी, पहिरोजस्ता अवस्था सिर्जना भएको छ । धेरै गाउँ डुबानमा परेका छन् । यसका साथै म्यानमारमा ठूलो क्षेत्रफलमा लगाइएको बाली पनि नष्ट भएको छ ।
यहाँका पाँच लाखभन्दा बढी मानिसका लागि खाद्यान्न, पिउने पानी, बास र लत्ताकपडाको तत्काल प्रबन्ध गर्नुपर्ने अवस्था रहेको राष्ट्रसंघले बताएको छ ।