जनकपुरधाम ।
लोकतान्त्रिक समाजवादी पार्टी (लोसपा)को मधेश प्रदेश संसदीय दलको नेतामा जितेन्द्र सोनल चयन भएका छन् । लोसपाले सोनललाई आइतबार मधेश प्रदेशसभाको संसदीय दलका नेतामा चयन गरेको हो ।
यसअघि संसदीय दलका नेता रहेका प्रदेशसभा सदस्य अभिराम शर्मा सशस्त्र प्रहरीका असई थमन विकको हत्यामा अदालतबाट दोषी ठहर भएपछि प्रदेशसभा सचिवालयले उनलाई निलम्बन गरेको थियो । अदालतले दोषी ठहर गरेपछि शर्मा सम्पर्कमा आएका छैनन् ।
बारा निर्वाचन क्षेत्रबाट प्रदेशसभामा निर्वाचित सोनल लोसपाका मधेश प्रदेशका अध्यक्ष पनि हुन् ।
