काठमाडौँ ।
अमेरिकामा प्रधानमन्त्री केपी शर्मा ओली र भारतीय प्रधानमन्त्री नरेन्द्र मोदीबिच हुने भनिएको साइडलाइन वार्ताको सम्भावना क्षिण हुँदै गईरहेको छ ।
भारत भ्रमणमा नगएर संयुक्त राष्ट्र संघको महासभामा भाग लिन अमेरिका जान लागेका प्रधानमन्त्री ओली र भारतीय प्रधानमन्त्री मोदीबिच भेटवार्ता गराउने प्रयास भइरहेको छ । त्यो प्रयासमा परराष्ट्रमन्त्री डा. आरजु राणा देउवा आफै लागेको परराष्ट्र मन्त्रालय स्रोतले जनाएको छ । परराष्ट्र मन्त्रालयबाट नै यसका लागि प्रयास भइरहे पनि भारतीय पक्षबाट सकारात्मक जवाफ भने आएको छैन ।
पछिल्लो समय प्रधानमन्त्री ओलीले दिएको अभिव्यक्तिका कारण दुई देशको बिचमा दुरी बढ्दै गइरहेको छ । सो दुरी कम गराउने काम अमेरिकाको भेटघाटले गर्ने आशा गरिएको थियो । तर त्यसको सम्भावना क्षीण हुँदै गइरहेको परराष्ट्र स्रोतले जनाएको छ । स्रोतका अनुसार भारतका प्रधानमन्त्री मोदी एक रात मात्र अमेरिकामा मात्र बस्ने भएकाले पनि भेटघाट असम्भव देखिएको हो ।
