जनकपुरधाम ।
जनकपुरधाम उद्योग वाणिज्य संघका विभिन्न पदका लागि मतगणना शुरु भएको छ । निर्वाचन समितिका अनुसार आज विहान सवा ७ बजेदेखि अध्यक्ष, वरिष्ठ उपाध्यक्ष र महिला उपाध्यक्षको मतगणना शुरु भएको छ । रातीभरि सबै बक्सा खोली बैलेटलाई मिलाइएको थियो । मिलाउने कार्य आज विहान साढे ६ बजेसम्म चलेको वरिष्ठ उपाध्यक्षका उम्मेदवार अम्भुप्रसाद साहले जानकारी दिएका छन् । विभिन्न पदका बैलेटहरु अर्को बक्सामा खस्न सक्ने आशंकालाई ध्यानमा राखी मिलाइएको छ ।
एक–एक सय बैलेटको गड्डी पनि बनाइएको छ । गिन्तीमा समय नलाग्ने निर्वाचन समितिका अधिकारीहरुले बताएका छन् । हिजो भएको मतदानमा कुल ३५सय ७४ मत खसेको थियो ।
