जनकपुरधाम ।
मधेश प्रदेश वन निर्देशनालय जनकपुरधामको मोटरसाइकल चोरी भएको छ । जनकपुरधामको वकिल महल्ला स्थित अक्षर विद्या मन्दिर नजिक ती मोटरसाइकल लिएर कर्मचारी गएको बेला शुक्रवार चोरी भएको छ ।
अनटेस्ट रहेको सो मोटरसाइकल चोरी भएको दृश्य सीसी टिभिमा देखिएको छ । चोरी भएको गाडीको प्रहरीले अनुसन्धान गरिरहेको छ । कार्यालय समयमा कर्मचारी व्यक्तिगत कामको क्रममा वकिल महल्ला पुगेका थिए ।
कार्यालय समयमा सरकारी गाडीको कसरी दुरुपयोग भइरहेको यो चोरीकाण्डले पनि प्रष्ट भएको छ । वन निर्देशनालयका निर्देशक जगरनाथप्रसाद जयसवाल स्वयं गाडीको दुरुपयोग गर्नेमा चर्चित रहेका छन् । उहाँको अन्य सहयोगीहरु पनि यसरी दुरुपयोग गर्ने गर्छन् ।
