जनकपुरधाम ।
मधेश प्रदेशसभाको बैठकबाट प्रदेश खेलकुद विकास गर्न बनेको विधेयक सर्वसम्मतिले पारित भएको छ ।
मधेश प्रदेश सरकारका खेलकुद तथा समाज कल्याण मन्त्री प्रमोद जयसवालले प्रदेशसभामा विधेयक पारित गर्नका लागि प्रस्तुत गरेको प्रस्ताव सर्वसम्मतिले पारित भएको हो । प्रदेशसभाको बैठकमा प्रदेश सभाका सभामुख रामचन्द्र मण्डलले खेलकुद विधेयक ध्वनि मतको आधारमा सर्वसम्मतिले पारित भएको घोषणा गरे ।
यसअघि, प्रदेशसभामा विधेयकमाथी उठेका जिज्ञासाहरूको जवाफ दिदै खेलकुद तथा समाज कल्याण मन्त्री जयसवालले मधेश प्रदेशमा खेलकुद, खेलाडीको मनोबल उठाउन, खेल संस्कृतिको निर्माण गरि प्रदेशमा खेलको राम्रो वातावरण निर्माण गर्नका लागि विधेयकले महत्वपूर्ण योगदान गर्ने विश्वास व्यक्त गरे ।
