जनकपुरधाम ।
डिएफओ सरुवामा मुख्यमन्त्री सतिशकुमार सिंहले पैसा खाएको मधेसको प्रदेशसभामा आरोप लगाइएको छ । मधेस प्रदेशसभाको बिहिबार बसेको बैठकको विशेष समयमा बोल्दै प्रदेशसभा सदस्य ललिता दासले वन कार्यालय लहानका डिएफओ सुजित झाको सरुवामा मुख्यमन्त्री सिंहले पैसा खाएको आरोप लगाएकी हुन् ।
उत्कृष्ट काम गरेका डिएफओ झाको मुख्यमन्त्रीले पैसा खाएर अचानक सरुवा गरेको आरोप लगाइन् । उनले भनिन्, ‘अधिकृत झा अबैध बालुवा गिट्टी उत्खनन रोक्ने र वनको अतिक्रमित जग्गा फिर्ता ल्याउने काम गर्नुभयो । तर उहाँको अचानक सरुवा भयो । जुन खालको चर्चा परिचर्चा भइरहेको छ, मलाई लाग्छ मुख्यमन्त्रीले केहि न केहि रकम लिएर सरुवा गर्नुभयो ।’
प्रदेशसभा सदस्य दासले मुख्यमन्त्रीले मारुती सिमेन्ट उद्योग र अबैध बालुवा गिट्टी उत्खनन गर्ने माफियासँग मुख्यमन्त्रीले पैसा खाएको दावी समेत गरिन् ।
