जनकपुरधाम ।
स्वच्छता अभियानीहरुले रक्तदान कार्यक्रमको आयोजना गरी जन्मदिन मनाएका छन् । स्वच्छता अभियानीहरु बजरंग यादव र कृष्णचन्द्र साहले जनकपुरधामको जनक चोकमा रक्तदान कार्यक्रमको आयोजना गरी जन्मदिन मनाएका हुन् ।
स्वच्छता अभियानी कृष्णचन्द्र साहको संयोजन र जनता समाजवादी पार्टी नेपालका नेता प्रदेशसभा सदस्य रामअशिष यादवको प्रमुख आतिथ्यमा सम्पन्न रक्तदान कार्यक्रममा शिक्षक, चिकित्सक ,व्यवसायी र अभियानी लगायत २८ जनाले रक्तदान गरेका थिए । रक्तदान जीवन दान मुल उद्देश्यका स्वच्छता अभियानीहरुको जन्मदिनको अवसरमा नेपाल रेडक्रस सोसाइटी धनुषाको प्राविधिक सहयोगमा निरन्तर रक्तदान कार्यक्रम हँुदै आएको छ ।
सो रक्तदान कार्यक्रममा नेपाल रेडक्रस सोसाइटी धनुषाका अध्यक्ष नरेशप्रसाद सिंह , सेभ हिस्टोरिकल जनकपुरधामका कोषाध्यक्ष रविकुमार गोयन्का, नेपाल बिधुत प्राधिकरण कर्मचारी संघका केन्द्रीय उपाध्यक्ष जगदीश साह, हेल्दी स्कुल कार्यक्रमका संयोजक डा. निरन्जन गोईत, जनकपुरधाम उधोग बाणिज्य संघका उपाध्यक्ष अम्भुप्रसाद साह लगायतको समेत उपस्थिति रहेको थियो ।
